UVOZE 100.000 KOMARACA Kako se Hrvatska bori protiv ljetnih “napasti”?

Gradovi širom Hrvatske približavanjem ljeta započinju borbu protiv komaraca.

Ove godine nadležni imaju još jedan plan. Tako je grad Zagreb ove godine za borbu protiv komaraca izdvojio 384.000 evra, a dio tih sredstava je namijenjen i edukaciji građana, dok je drugi dio planiran za uvoz komaraca iz Italije.

Naime, Zagreb će prvi put ispustiti u vazduh 100.000 sterilnih mužjaka komaraca uvezenih iz Italije.

– To znači da će oni ako su brojnošću nadmoćni oploditi ženke koje će zatim proizvesti jajašca koja neće dovesti do potomstva i na taj način bismo biološkim putem smanjili broj tigrastih komaraca na nekom području – objasnila je Ana Klobučar iz Nacionalnog zavoda za javno zdravlje.